നീ ആശ്രിതവത്സലന്
നിന്നിലഭയം തേടുന്നു ഞാന്
നിന്റെ ഉയരങ്ങളിലേക്ക്
എന്റെ ഭാരങ്ങള് ഉരുട്ടി കയറ്റി
കൈവിട്ടു കാത്തിരിക്കുന്നു ഞാന്,
നിന്റെ താങ്ങും തലോടലും
എനിക്ക് വയ്യ; ഭാരം ചുമക്കാന്
എന്റെ പാപ ചുമടുകള് നീയെടുത്താലും
ചൂട്ടുകത്തിച്ചു നീ മുന്നേ നടക്കുക
നിര്ഭയം ജീവിത കൂരിരുള് താണ്ടുവാന്
നിന്റെ സൌമനസ്യത്തിന്റെ
സാഗരത്തില് നിന്നും തരിക
സൌഭാഗ്യത്തിന്റെ മുത്തുച്ചിപ്പികള്
തിരയടിചെന്റെ ദുരിതങ്ങളൊക്കെയും
ദൂരേക്ക് നീക്കി നീ
കനിവ് കാണിക്കുക
അക്ഷരമന്ത്രങ്ങള്തന് ഉരുക്കഴിക്കാം
നിന്റെ നാമം ഞാനതില് കൊരുക്കാം
കിട്ടുന്നതില് പാതി നിനക്ക്
കിട്ടാകടങ്ങള് മുഴുവന് നിനക്ക്
എനിക്ക് വേണ്ട കർമ്മഭാണ്ഡങ്ങള്
കടമതന് തിരുമുടി കെട്ടുമെടുക്കില്ല
യാത്രയാകുന്നു ഞാന് ദേശാടനത്തിനു
ശാപതാപത്തില് നിന്നും നീ കാക്കുക
No comments:
Post a Comment